今朝去中環脆化食早餐，新裝修的環境好討好，照片影得異常吸引。正猶豫揀歐陸定啱啱又放返上menu的蕃茄通（本來牛蕃茄轉咗排骨），唔係好食牛嘅我，最終揀咗蕃茄通。結果⋯⋯我食左兩啖就已經放棄咗，仲忍唔住講咗句：好難食。
唔夠一分鐘，坐我隔離個肥仔嗌個歐陸早餐就送到來。待應隨即話：歐陸早餐。
我馬上十分後悔自己當初揀咗蕃茄通嘅決定，因為個魚柳扒特別大份，而且用個圓木盆上碟。
「嘩，好好味呀！」我心諗⋯⋯
我望住肥仔碟早餐，諗住呢個潛台詞都有好幾秒。
肥仔當然意識到我既羨又慕嘅眼神，頭轉過來望向我。我忍唔住望一望佢跟住衰笑。
呢個世界，人與人之間嘅溝通真係何其玄妙。